Dorcas Khai Khan Dim Tangthu

Min        :               Khai Khan Dim

NRC ID:                 4/TTN (Nai) 025595

Suah Ni :              Mach 3, 1953 Tuesday 

Pa min  :               Tun Cin Thang, Gualnam

Nu min :               Dam Khua Ciang, Gualnam

Khualui :              Lailo

Address :             Sawbua

Pawlpi  : Sawbuayishin  Tuiphum Pawlpi

Siapa     : Sia Gin Khua Kam (Pastor)

Tuikiphumna :                   Rev. Sein Thuai in Sawbua khua lui sungah tui a phum laitak, ih Topa’ Jesuh pen keima mawhna taangin Singlamteh tungah si hi cih vision in ka mu hi, ci hi. Tuamanin Pasian’ Kha Siangtho in  ama’ tungah na semthei hi.

Thumasa: U Dim pen ngaknu meelhoih mahmah ahihlaitak, galkap khat tawh a kingaih laitak hun ahihi.  A lungleen dan leh a ngaihdan zong hong gen in mi’n a ngaih mahmah laitak, vang a neih laitak ahihi.

Topa Jesuh thawkkik ni zingsangin Kuanglian ah nungak meelhoih thacing mahmah Lia Cing Nuam Mang sih hong kiko a, a Siapa un Sawbua Tuiphum Pawlpi Khangno a om khempeuh tawh hong paiphei un ci-in hongs am ahihmanin Khangno nungak tangval a omthei khempeuh tawh ka paiphei uh l;eh a sitakpi na hi mawk ahihmaninin sihvui na ding hun bawl in la kisa ziahziah a, Lapawl sa ding Sawbua pan ci’n hong sap uhteh la kasak laitak un ka dinna uh sual hong kia in dihtan bang a sang Inn nuai ah ka kiasuk uhi. A liam abai omkhollo hi nung ka cih kawmkal pan un U Dim pen anaak tatkha in nakhaksa sa mahmahin hong om ciangin Tamu Motor a tuanna ding ka nget uh leh nih tuanna ding omlo a cina pen hong tuang hen ci ahihmanun amah bek tuangin Motor saap zong hong ngenlo uhi. Inn ka tun uh ciangun amah pen nuam tuam thei mahmah lo hi. A sun a zan in giahpih hong kul mawk a, ni 45 sung ka giahpih uhi. Si lah silo, a naak bek ki-en in anaak tawpna leh a hudiikkik kikaal, numbat sim leng 120 pan 140 bang ih sim khitteh, … khat vei bang hong naakkik ziau zel bek hi. A naak leh a naakloh a kitheihna dingin a naak ah patkikoihsak in tua pat allin leh naaklai buang ei, cih a ki-en bek a hihi.

Ka U Dim mintap, Kapa, Pa Lam Do Khai in gim mahmah khong ahihteh Khaankuang bawl ni ci-in agen ciang, kikum uha, Dol Haankuang a hoih mahmah khat bawlsak uhi.

Nipi ni khat sun kikhop khitciangin U Dim veh dingin Pawlpi min tawh kipai khawm ngeingai a, U Dim in ka puan a hoih pen hong silhsak unla, ka niik a hoih pen hong teeng sak un, ka sam zong hong hiat sak un, cih pen akam tawh a paukhiat theihloh hangin a khut tawh a deihna hong lak in aniik apuan laihsak pah in a sam zong ka hiat sak uhi. Tua ciang, Pawlpi mi hong pai khempeuh nohset nuam ing ci-in a khut hong khak ahihmanin ka ki nohset ngeingai uh a, a letkhak peuhpeuh kiangah: “Hym-hy-hy-hynm” (Na dam in aw acihna) ci teekteek se hi. A Pawlpi mite tawh la kisa ngeingai a, nang la bang deih na hiam a kicihleh I Lungnuam hi, Jesuh muang leng, … a cihla deih ing ci ahihmanin tua la ka sakpih uh a, tua laitakin amah pen Vantung mi 2 in a pikhia na hita aa, akha pen Vantung mite tawh a paikhia na hita hi.

Dorcas genkikna: Tua la hong kisak laitak in Vantung mi 2 ka vei leh ka tak ah hong dingkhawm lianin Lawm nang bang la deih na hiam hong ci uhi. Ke’n ih lungnuam hi, Jesuh muang leng cih la ka teel a, … tua la sakawmin ka paikhia uhi. A ding zong hilo, a tu zong hilo, hicia kikhiin didii in ka paikhia uhi, ci hi. Tua lakisak sungin mi 3 ka hihhangun aw 4 in la kisa-in awkimin ging huahua in kaza hi. Tua laitak ka lawmte, ka veilam aa pa ka etleh a puan paak cihtak in paak in, a taklam aa pa ka etkik leh zong a puansilk paak cihtak mahin na paak sinsen hi. Kei ka ki-et leh kei aa zong amau puanpaak silh daan mah bangin kei’ aa zong puanpaan sinsen ana hihi. Tuaciang ka veilam aa pa in la hong teel a, Vantung ah, Ih omna ding Vantung ah (TDM.424), tua la ka sakkhitciangun ka taklam aa pa in Sunsang aa phazaw gamnuam om aa, ih Upna in kigaalmuh thei hi, (TDM.428) hih teng ka sak sunguh la bei mannailo-in Vantung kong khak hong tunpih uhi. Tua kongkhak gei-ah Vantung mi khat na om in : Lawm nang na min bang ei ta? A hong cipah hi. Kei ka min Khai Khan Dim hi ka cih leh Nuntak tawntungna Laibu golpi khat hon pheen meengmeengin : eh! Lawm na min om mah ei, … ahihhang na sih hun tung naikei ei, Lei ah va ciah kik ou! Ong cih ciangin kei zong, ut keng zong ci mannawnlo-in Vantung mi 2 in hong kiheipih lianin Vantung Innpi a nusia ding ka hita uhi. Tua leh keizong hihzah in a nuam mahmah ding Vantung Innpi a nusia ding cih ka ngaihsut ciangin ka khitui luangin ka kap hi. Vantung mite’n kap kei ou, lawm, na sih ciang aa na om na di hong enkhol hi ciai, ci-in lei ah ong ngasuk uhi. Tua hun pen Zingsang khuavak ma hun ahihi.

Khuavak ma Nai 4 pawl in U Dimno pen amah-le-amah na tukhia a, ih omna koilai ahiam, … ci-in hong paukhia hi. U Khai Thawng zong nuam lua mahmah ahihmanin khuavak nai takeileh “Ka nau hong thokik” ci-in tangko khia ahihmanin khuapih khuazang hong pai ngeingai pahin hong lungdampih uhi.

Amah pen a ci dam hangin a khe tawh lam paitheilo in hong om a, a khekhuang thei, tucil thei sam, tutcil sa in kahlei tungah zong kahto thei hinapi;n dingto ding cileh a khe sansan in ding theilo, lampaitheilo hi. Jacob pen Vantung mite in a kheelguh a suklawi sak mahbangin paitheilo in hong om hi. Tua bangin a omsung pen khual-le-tual pan mi tampi hong [pai ziahziah uh a, Topa’ lal thu tampi ki dong tawntung hi.

Hibang teng tawh kum 2 bang hong cin khitciangin bang natna hang hiam, a natna a om hi peuh mah hiam ci-in a pa in Kalaymyo Hospital ah paipih hi. Zato ah a giah ni zan un Cina a si di aa Siavuante in a koih mi 2 thunget sak a, Pasian’ damsakna ngah ahihmanun cidamsa in ciah uh a, Siavuante in zong lamdang sa mahmah uhi. Siavuante in U Dim veel a, natna khat beek mulo uhi. Tucil sak in tucil thei, Khukdin sak, khukdin thei, a khekhuang sak, khe khuang thei, acihbangbangun hih thei ahihmanin a natna mulo-in a cihna ding theilo uh a, amah a utloh hangin apa Tun Cin Thang lunggulhna tawh Tedim Zato pi ah kilak dingin paipih hi.

Suangkua ah na lamdang piang:  Zingsang annek khit ciang Tedim Zato aa Siavuan Thang Za Khen zuan dingin kithawi pah uh a, U Dim in tui duh ing ci in tuivot beel sung aa tui suak dingin a kithawlleh a maai ah meiilom kaang amuhphet, thakhat in dongto theivat in a tuisuah tengin amah buakkha hi. Thakhat in dingthei a, lam apaitheiteh a pa nuamlua mahmah ahihmanin Siavuan Thang Za Khen kiangah vataipah vingvengin “Siavuanpa aw, Ka tanu lam apaitheilo nang kiangah hong paipih ding ka cih leh tuzingsangin tui kaduh ci-in tua a suahleh ka mai ah meeilom kaang khat om cih amuhphet, thakhat in hong ding thei, lam hong paithei ahihmanin ka nuamna kong gen hi, cih a vako hi.

Siavuan Thang Za Khen in zong kei zong na tanu mu nuam ing hong paipih in a cihciangin ciahpah vingveng in a nih un Siavuanpa kiangah apai uhteh Siavuanpa in zong a tapa, a pautheilo khat adingin thu hong ngetsak un acihteh thu ngetsak pah hi. Naupangpa pen a kimawlna dingin thau aleisai uh pen a lot ciangin “P-u-ngh!” ci-in a aw gingkhia sakthei ahihmanin a nu leh apa asapna aw zahin tuatin nuam mahmah uh a, Anvak in giaksakin tecipanna aneisak uhi.

Unaunu Miss Tual Ngaih Niang tawh kikholhtheihna: Keimah Niangno in U Dim pen Tedim pan lampaitheita cih ka zak ciangin Pasian in ka paitheihna di lampi ong honsak a, zanthapai ka ha nat cihtak hongna in Kalaymyo Zatopi ah Haphai dingin ka nau Lian Za Pau tawh ka pai uhi. Lampi ah ka pai kawmkawm in Topa’n hong hopih a, Tedim ah pai ding cih lungsim khentatna hong neisak hi. Kalaymyo pan ka paikhiat aa kipan ka hanat hong dam mawk hi. Tua pen Pasian na lamdang sepna ka muhna dingin Pasian in hong paisak ana hihi. Ka nau Lian Pau tawh Tedim ka tuntoh ciangun amah pen U Khai Khua Pau te kiangah om a, kei pen Ka U Dim tawh ka kimuh uh ciangin ka nuam mahmah tuak uh a, ka hana zong phawk nawn peuhmah lo in Sia Lian Khup te pawl tawh ka kithuak pah uhi.

Siluangnatna a vei numei khat damngahna:        Hibang thupiang akizakciangin Tedim khuasung mah pan thunget lunggulhte-in Motor tawh sam a, thu va ngetsak hi. Tu laitak tua numei cina nu adingin thu ngetsak a, a lawnna peuh Pasian vangliatna in a guhsung-ataang sung zenin votsuk dekdek ahihmanin hong lawnglai in ci a, Taaina, Kawngna, Siluangnatna a vei numei khat thungetna tawh damna ngah hi.

Leilum ah Thunget sak in Innvakna:    U Dimno tawh ka kimuh khitciangun Sia Lian Khup te pawl tawh Inn thungetsak in Leilum khuasungah hong kisam kawikawi a, numei 2, pasal 3 kahi uhi. Sia Lian Khup in a genna ah Lai Siangtho sungah vankah tampi om in, ahizongin tu aa pen ih Tedim khua sung aa na lamdang piang ahihmanin Tedim khua sungah Vantung mite hong hawh hi, ih khua cidam in khangto ding hi, ci-in nuam mahmah hi.   Hi

Pu Ngul Khua Thang Inn ah thulamdang: Sia Lian Khup in Thuam Za Cin vaveh ni ci-in hong paipih a, a kong uh ka kahtoh ding uh ciangin numei 2 leh pasal 3 apha pen Sia Thang Khan Khai pen vanlei nuam om ci-in hong kisamkhia a, numei 2 leh pasal 2 in U Cin thungetsak dingin ka pai uhi. Ka tunciangun U Cin in a aw-sung pan “Kalai! Tuzan ka mang aa ka mun, numei 2 leh pasal 2, gungaal khat aa hong pai ka muh no teng hilian uh ciai, ongci in ko zong lamdang ka sa mahmah uhi. Sia Lian Khup in ih lawmpa hong kisapkhait pen a lamdangpi khat hi mawk ei, tua a mangmat atangtun na dingin eiteng a paikha ihi tave maw,… ci hi.  A lamdang khat leuleu ah, Leilum pen paakhoih tamna ahihmanin ka nih un paak ka tawi tuak uh a, U Cin sabuai tungah paak ka koih uhi. Kei aa pen na guaipah a, ka U Dim aa pen a zingciang zong guaitheilo in na om hi. Innteekte in zong lamdang na sa mahmah uhi. A zingciangin Sezangte in hongs am ahihmanun ka vapai uh a, zan khat taamin hun ka zangh uhi Azan ciangin Pu Ngul Khua Thang pen ihmu theilo in na om a, Dimnote hong paikik in thu hong ngetsak leh Kha Siangtho vangliatna tawh ka tapa dam dinghi cih bekbek ngaihsun ahihmanin khuavakma in Sezang hong tung phei vingveng hi.  Sezang ah ka zinpa un, Pa Thang aw, kei ma’n hong gensak in honkha phei ning ci a, Pa Thang ciah sak hi. Ka Inntekpa un Anneek khit ciangin Sezang pan Leilum ah ongpaipih in 12:00AM in Leilum ka tun uhteh thu kingen pah a, Pasian in amau’ lunggulhna om mahbnagin a aw pen mal khatkhat in hong gingkhia sak hi. Khuapih a kuama peuh in zong a zak ciangun a aw zanuam in hong pai ngeinai uh a, a sawt ciangin lawmte hehpihna tawh hong pai nawnkei tapeuh un ci-in khaam aa, ahizongin Pasian in thaguan ahihmnin gimzawlo-in a aw hong gingsuak hi.  Damlopa lunggulhna om bangin Gospelte in hong silsiang le hut ing ci ahihmanin tui kilumsakpah in tuilum tawh ka silsiang uhi. A sawtlo-in U Cin in agenna ah: Topa’ hopihna za a, Kalaymyo ah paisuk in la, hong hopih masa penpen na zi ding hi di hi, cih thu za hi. Amah zong kithawi in pai ding a gen hangin a nu in na tha zong dim naikei, motor tuangzo naikei niteh a cih hangin Topa’ sawl bangin hong kalsuan ciangin a tha hatsemsem ahihmanin Kalaymyo pan Pydawtha ah Bawngleng zangin Topa’ sawlna mangin pai hi. Tua laitak Pyidawtha Tuiphum Pawlpi ah Pu Thang Khan Jubilee siim dingin Topa’n a sawl ana hihi. U  

Ministries:          

1.       Tedim                   :               Siavuan Thang Za Khen Inn

2.       Lailo                       :               Pa Cin Za Huat Inn ah lungdam thu tangkona Zan 2

3.       Lawibual              :               Pa Thang Khan Cin te Inn

4.       Leilum                   :               Bo Khup Za Neng Inn ah tung, Sia Cin Pau Inn ah Pasian thu gen.

5.       Sezang                  :               Pa Tun Kap Thang Inn, ?

6.       Munlai                  :               Pa Do Za Cin & Nu Tual Do Cing Inn tung, …. Munlai Baptist ah thugen                                                      Pu Khual Suan in Vantung mite bangin ngaihsun in man a zaihzaihna, …                                                 

7.       Sawbua                                :               Gan khat go, Lungdamkoh Hunbawlkhopna   

 **********************************************************************************

Pasian thu hangin Kammal kiza pawlkhat :

1.       Dimno kiang aa om nuamsa ing, Vantung mite tawh omkhawm mah bangin kingaihsun ing, ci-a, hun awng a ngah zingkaal leh nitak in vapha thei zel hi. Hih pen Pasian thu hang bek mah ahihi.                                                                                                                                                      Pu Vai Za Dal, Sawbua

DORCAS DIMNO TECIPANNA

CONTENTS

 

Thumasa

Laibu bawlna Thu

Lungdamkohna

I. Dorcas Dimno Neulai Tangthu

A.    Pianna:

B.    Zatolupna:

C.    Sangkahna:

D.    Sawbwayeshin tunna:

E.    Sangkahzomtheinawnlo:

II. Sawbwa Nungak Dorcas Dimno

A.    Sawbwayeshin Lokho Khua

B.    Sawbwa Baptist Church Khangno

C.    Sawbwa Khangnote

D.    Thawkkik Pawi Kibawl

II. Dorcas Dimno Khuaphawkloh Hunsung

A.    Lia Cingnuammang kivuina Inn sualkalpi kitan

B.    Accident

C.    Inn kitunpih

D.    Pawlpi bup in Thungetsakden

E.    Khuaphawkthei tuanlo!

F.    Vuitheihlah hideuhlo!

G.    Dolsing Hankuang Hoihtak bawlsak in Sa kigawh khin.

H.    Vui ding leh Vui nailohding Thu kikupna

I.     Pawlpi dang pan Pi Niang’ Thungetsakna

J.     Muntuamtuam pan Thu kingetsak den

K.    Kamsanna

IV. Sawbwayeshin Khua ah Lungdamna Awging

A.    Ni 37 cinna Zingsang Khuavakma in Khanglo!

B.    Lungdam Luankhi!

C.    Lungdam kikona Awging

D.    Khuazangbup Lungdampihna

E. Khuaphawkloh sung aa Thupiangte kidongnuamciat

F. Lungnopna bek tawh akidimna mun Van Gam

G. Sun sang aphazaw Gamnuam

H.    Pawlpi tawh Lungdamkohna

V. Medical Check Up

A.    Kalaymyo Hospital ah Medical Check Up

B.    Tedim Hospital ah Check up bawl ding in Tedim paina

C.    Xuangqua ah Pasian’ damsakna Lamdang!

D.    Dr. Thang Za Khen’ kiang paina & Medical Check up – Result

E.    Pu Tun Cin Thang’ Lungkimna

VI. Dorcas Dimno Tecipanna munte

A.    Dr. Thang Za Khente’ Inn ah Ni 7 sung Pasian’ Thugenna

B.    CMBC Biak Innpi ah Sun Hunpi manteh Tecipanna

C.    Pa Thang Khan Cinte Inn ah Nitak 3 sung Pasian’ Thugenna

D.    Sia Khambawi makai in CMBC Pawlpi sung damlote vehna

E.    Tedim Khuapi sung ah Innvaak Thunget hong paipihna

F.    Sia Cin Paute Inn ah Nitak 1 Tecipang in Pasian’ thugenna

G.    Leilum ah damlote Thungetsak ding in hong kisapna

H.    Pa Thang Khan Cin Inn ah Nitak 2 Pasian’ Thugenkikna

I.     Sezang khua Pa Tun Kap Thangte Inn ah Nitak 1 Tecipanna

VII. Dorcas Dimno Tecipannate

A. Puanpaaksilh Vantungmi 2 in adawnna

B. Lasa kawm in:                                                                                                          i.   Lungnuam hi, Jesuh muang leng                                          

        ii.  Vantung ah, Vantung ah I omna ding in Vantung ah

        iii. Lungnopna tawh Kidimna Mun

        Iv. Sunsang aphazaw Gamnuam om a,…

C. A taangpha mahmah Mun ah hong kileenpih to

        i.  a

        ii. B

D. a

        i. a

VIII. Dorcas

A. L

        i. 

        ii. 

        iii.

        iv.

        v. 

C. Ca

        i. b 

B.    A taangpha mahmah Mun ah hong kileenpih to

D. Sawbwayeshin tunna:

E. Sangkahzomtheinawnlo:

DORCAS KHAI KHAN DIM TANGTHU & TECIPANNA

Part One:

Dorcas Dimno Neulai Hun

A. Pianna: Lailo khua, Gualnam Beh: Pa Tun Cin Thang($L) leh Nu Dam Khua Ciang(KG)

     Pian ni: ? March, 1953 Lailo khua

B. Pianpih Laizomte: 1. Vungkhenhcing, 2. Cinsuan(×), 3. Vunghkhanthang, 4. Khaithawng,

     5. Zamzado, 6. Lianngaihcing, 7. Awizaniing, 8. Khaikhandim, 9. Dimngaihlangh

C. Zato lupna: A neulai-in a khe-zakon thagui damlo in Tedim ah Zato kilum sak ngei hi.

    Siavuan/$iamate, adiakin Siavuan Thang Za Khen muanna tawh Falam Zato kizuatpih in

    a pa Tun Cin Thang lungkimna tawh Falam Zatopi ah Thagui Operation kibawl ngei hi.

D. Pilsinna: Lailo khua ah Kumpi Sang kip kingah ta a, Zolai sangthak ah Sang akah laitak,

      a Ute 2 in CLA galkap a lutsan ciangin haksatna vai tuamtuam hangin Sang kikhawlsak hi.

E. Sawbuayishin tunna: U V.K.Thang & U K.Thawng a suahtak ciangun Lawilokhawhna

    lam ah kihei ding ngaihsutna tawh 1968 February 28 in Sawbuayishin khua tungsuk uhi.

Part Two:

Sawbuayishin Nungak Dorcas Dimno

A. Lawilo khawhna gam:     Pu Tun Cin Thang in Ks.1000 tawh Buhlei eka 8 leipah a,

      kumsial in Buh taang 400 val  neiden ahihmanun Dorcas Dimno pen (ေကာက္ စိုက္  သမ ဘဝ )

      tawh Sawbua ah Buh suan, Lokhawh hanciam mahmah Nungakte lak pan khangkhia hi.

B. Sawbua Tuiphum Khangno Dimno: Sawbua Tuiphum Pawlpi "Church Choir" sinden a,

     Gambup Sivuaipi Lakidemna ah Sawbua in a khat ngahthei zel ahihban ah La makaite in

     La phuak in sinpih pah, sakpih pah ahihmanun Sawbua Pawlpi minthang vangvang ngei a,

     khangno hampha, a ki eeng mahmah sung ah kihel ngei hi. Sawbua Tuiphum Pawlpi pan

     laphuak minthangpa U Khup Ngaih Cin pen galkap sung aa om, galkap hi-a, Pasian in

     lathak a piaksial in kisil kimlai lathak hong kipia eih, ci-in tai buatbuat in lagelh zel kici hi.

     Tua lathakte pen a ma upa, Chior makaipi U Neng Khua Pau khakto in Sawbua Tuiphum

     khangnote in lathak akisin zel ahi hi. Dorcas Dimno pen a elto aw in lasa den khat ahi hi.

C. Sawbua ah Thawhkik Pawi:     Sawbua Tuiphum Pawlpi in Thawhkik Pawi pen Pawlpi

     phuhcil pan Christmas sang thupi zaw leh a sisate thawhkikna ding lametna thulaigilte

     Lai Siangtho tungtawn in hilhcianna hun, Haan hah in daihawh hunbawlna leh Biak Inn ah

     hun thupi takin kibawl zel hi. Tua hun tawh kituakin Pawlpi Khangnote gamkuanna om a,

     Sazuk, Sakhi, Ngal, ... Zangsial na leng kiman thei ahihmanin thupi takin kigeel den hi.

          1972 kum Thawhkik Pawi ah hun zang ding in Sia Mang Cin Thang akisap mahbangin

    Sawbua Tuiphum Pawlpi tawh Thawhkik Pawi noptak zangkhawm dingin akiging kimlai,

    Kuanglian/Tuikhal ah Lia. Cing Nuam Mang sivat in hong vui sak leh ci-in kisam hiau hi.

    Pastor Mang Thang in Kuanglian Tuiphum Pawlpi pan sivui ding sapna vaikin pai dingin

    khensatna aneihban-ah Sawbua Tuiphum Pawlpi Khangnote lasa dingin kithawipah uh-a,

    Lia. Cing Nuam Mang leh Dorcas Dimno kikhangual, ki-it a hihman un vapai pah lian hi.

           Kuanglian leh Sawbua pen tai 1 bek a kigamla hi-a, Tuiphum Pawlpite in kikhopnate

    kilawm thei, nuam kisa mahmah ciat uhi. Misite Inn a tunciangun a lawmnu uh phalnailo

    lua in kahgawp uhi. A sawtlo-in Sivui dingin hun kipanpah uh-a, Siapa hunzat madeuh in

     Chior lasa dingin lamakaipa U Neng Khua Pau in  "$o" ci-in la aw  a pat laitak, Inntekte

     sualkalpi kilhna siktukilh kidokkhia in avek un Innnuai ah kiasuk in Siapa zong liam hi.

     Dorcas Dimno in khuaphawk nawnlo, sip-di-de mawk ahihmanin lungkham mahmah uhi.

     Tua laitak Siapa lawmpa pen Tamu pan a motor tawh hong tung a, Sawbua ah a puaksak

     kik pah uhi. Tuabangin khuaphawklo in omsuaksuak a, Sawbua Pawlpi in Thawhkik Pawi 

     manta, Dorcas Dimno in khuaphawk nailo, Thokik nailo mawk in lungkham mahmah uhi.

   

D. Dorcas Dimno Khuaphawkloh sung Ni 36 Piupeu

     1. Accident na mun pan Inn tunna: Siapa lawmpa in a Motor tawh Sawbua ah khaphei hi.

     2. Pawlpibup in thu akingetsakna: Sawbua Pawlpi bek hilo in thu kingetsak tawntung hi.

     3. Khuaphawk tuanlo: Anakvang sung ah pat ki-en bek a, laitatlo, vui ngam samlo uhi.

     4. Haankuang kibawlsak, Sakigawh khin:  Hankuang hoih mahmah, avekin akipehlo

         Dolsing dal 1 ta lian vive, Hankuang in bawlsak uh-a, a pa in Vok tuk 5 gawh khin hi.

         Ni 35 cingta! Thu ngetsak kilawilo, kikheel tuanlo Sivui dingin abaihsa sitset in om uhi.

     5. Vui ding leh vui nailoh ding thukikupna: A nakvang sung ah 'pat' a tahsuk ciangun

         taang nawn meello ahihmanin sivui ding kamkupna neipah uh-a, bangbang leh mitciim

         khangnote ensaklai dih ni, a khutdawh pan lah bangmah kithei nawnlo kici uhi. Mitciim

         kiteel in mitphialo liangin en gige le uh "Pat" hong taang seuh in, khawlkik dide, ki-en

         suak leh taang seuh zel sam  vui nai kei hoh ni, kici a, Inn dim a giakte in ngak gige uhi.

     6. Pawlpi sung leh Pawlpi pua pan thukingetsakna:      Thupiangte a kantelnuam leh

          thungetsak di'n Sawbua Tuiphum Pawlpi bek hinawnlo, mun tuamtuam anai-agamla

          pan thungetsak khuai vaitung bangin sungtum, pusuak kitalawi ngeilo lamdang kisa hi.

          Sawbua Pawlpi ah Pasian Thugen in a paingei Pawlpi Siate in theitek uhi. Ahang in

          amau nungak hun tawh kituak in Pastor Gin Khua Kam in Dorcas Dimno pen alawmte

          pawlkhat makaih ding leh Zin hong tung Pastors, Evangelists cihte anhuansak ding,

          puansawp sak, puantaihsak ban ah Biak Inn sung leh Pulpit hahsiang din aseh asepma'n

          Pastor pa bek hilo, Siate tampi ban ah Pawlpi mite in ama nuntakzia hangin it ciat uhi.

     7. Pawlpi dang pan Pi Niang thungetsakna: Pi Niang a kici, Tedim pau a siam khat pen

         Thungetsak in pai a, thu a ngetsak sungin ama' kiu pan Sisan tak daudau in lamdang

          kisa mahmah hi. Cidam in Tecipang ding cih kamsanna gen a, lamdang kisa semsem hi.

Part Three:

NUNTAKKIKNA THUPHA & ALAMDANG TECIPANNA AWGING

A. Sawbuayishin ah Lungdamna Awging

     1. Ni 37 ni Zingsang in Thawhkik Vangliatna: Mihing lam pan vui dingin kikhensat ta a,

          a Hankuang ah guangin a laitat lian leh vuipah theih dingin a baihsa in a kikoih kimlai

          Zingsang khuavakma in tho in: "Ka omna koilai hiam, Ka kiim aa om kuate hiam?"

          ci-in amah a zingciang kivui ding a giahpih mite lamdangsa in paukhia vat mawk hi.

          Tua madeuhin Vantung mite in Meilak pan leitung ah a khaksuk ciangun utlo lua in

           kapta leh a giahpihte ihmutsiplua mahmah ahihmanun phawklo uhi. Tuakhit leitung ah

           a tunsuk phetin ama pumpi sungah a kha lutkik ta ahihmanin a paukhia thei a hihi.

     2. Lungdam Luankhi: Upi Vung Khenh Cing in a phawkciangin "Dimno, Dimno" ci-in

          kap a, "Ka omna  koilai hiam? Ut keilua ing, ci-in Dimno pen kapkhia kik mawk hi.

         Tuabangin a unau un a kikah ngeingai ciangun ihmu pawlkhat in phawk in Dimno sita!

          ci uh-a, a kidelh ngaingai leh amau pen lungdamlua mahmah in a kap ngeingai a hi uhi.

     3. Khitui lak pan agingkhia Tecipanna Awging:  Khuavak nailopi mah thakhat in a U

          Khai Thawng pen Sawbua khua sungah awngin "Dimno thokik ta hi, hong en un", ci-in

          awng ziahziah ahihmanin khua sung mite Dimno munuam in hong tai khengkhang uhi.

     4. Khuazangbup ah Lungdamna Awging: Hih thupiang pen khua sung kizel beklo in

          thakhatin Sawbua-Kalaymyo leh Sawbua-Khampat-Tamu lampi dung khempeuh ah

          tomno kal in thupiangte kizeel pak ahihmanin mi namcin in lamdangsa in va en uhi.

     5. Lungdampihna Letsongte: Tuabangin Dorcas Dimno' Nuntakkikna Thupha munuam,

          a kampau zanuam, a tecipanna theinuamin Sawbua khua bek hilo, mun tuamtuam pan

          a paite-in Pasian minphat in lungdampihna letsong a kipuaktezong tam mahmah ci uhi.

B. A hunhun in Tecipanna Awging

     1. Tecipanna: Thupiang lamdang mahmahte, Topa' Vantung mite in a leenpihna, Laibupi

           sung ah ama' min a omna, Vantung kongcingpa in a lutsakna, Vantung mite in leenpih

           kik in Hell khuk sung alahna, tua pan kiheipih in Vantung Kham Khuapi a lahnate, ...

           a banbanin gennuam, hanciam a, a hizongin a tha omlo ahihmanin gensuak zolo zel hi.

           (CMBC, Tedim Biak Innpi ah a Tecipanna pan tomkimcing a kigual diudeu en in.)

     2. Kalay Valley gamsung Thuthang: Hih thupiangte pen tomno sungin kitheithang pak hi.

     3. Pawlpi tawh Lungdamkohna: A pa in Bawng go in Lungdamkohna Pawi bawl pah hi.

C. Biak Inn ah Tecipanna Awging:       Tawlkhat khit a aw hong suahdeuh ciangin Sawbua

      khua  amau Inn ah a paite kiang leh Tuiphum Pawlpi Biak Inn ah Tecipanna neithei kik hi.

Part Four:

MEDICAL CHECK UP,  MIRACLES & MINISTRY

A. Kalaymyo Hospital ah Medical Check up: March 1Dorcas Dimno pen dingthei tuanlo in

     sawtpi  a omciang a pa lungkhamin Kalaymyo Zato ah March 1, 1973 Thursday in valak hi.

     Siavuanpa in check up bawl a, natna muhet keng, a khutdawh bang kei aa sangin hoihzaw,

     Lai Siangtho sungah Pasian vangliatna a kilatna dingin a piang hizaw, a kici pawl hisop

     inteh cih san in ciahsak kik hi.

B. Tedim Hospital ah Medical Check up bawldingin Tedim paina: Pu Tun Cin Thang pen

     lungkim tuanlo-in Tedim Zatopi ah Siavuan Thang Za Khen muang mahmah ahihmanin

     Sezang khua, Pa Tun Za Khup motor hawl zuito in March 3, 1973 Sani khuazin madeuhin

     Tedim tung uh-a, Sakollam-Xuangqua veng a, a U Vung Khenh Cing kiang ah zintung uhi.

C. CMBC Biak Innpi ah thungetna leh Siavuan Thang Za Khen kiang hawhna:

          March 4, 1973 Sunday Zingsang thobaihin Pa Tun Cin Thang in CMBC Biak Innpi ah

     zingsang thunget a manciangin Siavuan Thang Za Khen kiang Tedim Zatopi Siavuan Inn

     ah va zinghawh in Dorcas Khai Khan Dim thupiangte gen in, Zato kah ding vagen khol hi.

     Siavuanpa in zing anneekpih ahihmanin CMBC Biak Innpi ah kikhawm suakthei pah uhi.

D. Xuangqua ah Pasian Damsakna Lamdang: Monday Zato kihon hunlap nuam in kithawi

     uh-a,  Dorcas Dimno pen Innnuai ah khukdom sa in a taalsuk kimlai, a awt zelzal ciangin

     gul mu sa in singkhuah tawh a delh ngeingai uleh gul mu hilo, lungdamlua in a awnggawp

     na hizaw vat mawk hi.

              Thupiangte:  Aman a genna ah: Tuisuak dingin a pai kimlai, a mai ah Meingo kaii

     mu a, tua Meingo huam sung pan Topa Jesuh leh Vantung mite lim kisuaite tawh tehtheih

     ding ahihetlo,  a taangpha mahmah hong kilangh in hong huam phet, thakhat ka khuk hong

     khauhpah, dingto theipah in lampai ka kisin leh dingtangsa in ka paitheipah lungdamlua in

      awngkhia gawp in Pasian min ka phat hong kidelh hi-a, Meiingo hong mang kik pah hi,

     ci-in gen hi.

E.  Siavuan Thang Za Khen in  Medical Check up abawlsakna Result: March 5, '73 Mon

      Lampai thei, dingtang thei mu uh-a, thupiangte a genciangin lamdang sa mahmah ciat uhi.

      Sianvuanpa kiangah pai ding kihopih khin ahihmanun puakkul nawnlo in ama khe tawh

      paithei pah in va kilak uhi. Siavuanpa in veelveel a, Kalaymyo Siavuanpa gen mah bangin

      "natna mu het kei mawk ing, a khutdawh bang kei a sangin hoihzaw" cikik leuleu hi.

F. Pu Tun Cin Thang  lungkimna:   Siavuanpa in Dorcas Dimno pa ngaihsutna atheihciang,

     Vitamin pawlkhat piaksak hi. Pu Tun Cin Thang leh Siavuanpa pen nidang a khangno lai,

     Siavuan a suahma, a neulai hun pek pan a kithei uh, a ki-it uh ahihmanin a muan pen hi-a,

     limtak a veelsakna leh "natna mukeng" acihciangin umthei pan in lungkim zo pan ci uhi.

G. Siavuanpa in alamdang damngah  Tecipanna & Nitak 7 sung Pasian thu agensakna:

                                                                                       March 5-11, 1973 Monday-to-Sunday

           Siavuan Thang Za Khen in limtak a veel khitciangin a natna lah mulo, thupiangte pen

     a banban in theinuam ahihmanin "Na pata un, ciahlo-in Zan hong taam un, Nitakciangin

     Thunget khopna leh a tecipanna zanuam ing ci ahihmanin Siavuanpa Inn ah omphot uhi.

     Nitak ciangin Siavuanpa Innkuan leh Innlak pan a sanggamte hong paiteng tawh Innkuan

     hunbawlkhopna neikhawm in Dorcas Dimno tecipanna lamdangte a banban in gensak uhi.

     Siavuanpa in lamdang sa mahmah, Lai Siangtho thak hunlai thupiangte tawh kibang sa hi.

     Nitak sial in kikhopna neihzom ding hoih sa ing, khuapihte zong zasak nuam ing, cipah hi.

                Siavuanpa in Nipi kaal 1 sung sitset amau kiangah Pasian thugen dingin koihpah a,

      Nitak sial in thungai nuam in hong pai kibehlap toto in, a za nailote in a bul pan in thugen

      kipan sak zel a, Sun sungin thunget a lunggulhte hong paizel in thunget sak tawntung a,

      Nitak 7 sung tecipanna leh Pasian thugenna neizom thei ahihmanin lungdam mahmah hi.

      Zato lum cinate sung pan thunget lunggulh pawlkhat a damna thu  a  muhciangin hong

      damsakpa Pasian ahihna Siavuanpa in phawk semsem a, Pasian a muanna lian semsem hi.

Part Five:

TEDIM  CMBC BIAK INN AH  DORCAS DIMNO TECIPANNA

 A. CMBC Biak Inn ah Sun Hunpi manteh Tecipanna & Pasian Thugenna: March 11

        Hih thupiangte tomno sungin Tedim khua sung kizeel pak ahihmanin Nipi Zing kikhop

     man ciangin CMBC Biak Innpi ah Tecipanna hun om ding cih Siama Cing Khua Vung in

     thuzaksakna nei a, Numei kikhop hun 1:00PM pan 4:00PM Tecipanna gensak pah lian uhi.

     Nai 3 sung thugenna sungah Vantung gam amuhna thu, dotna tampi mah kidong zelzel-a,

     Dorcas Dimno in Topa' Vantung mite lahna bangin a banbanin a genzom deudeu sung pan

     a nuai aa bangin CMBC, Tedim ah Dorcas Dimno tecipanna a tomcing hong kisuaksak hi.

     Tecipanna No.1:  Puanpak silh Vantung mi 2 in a dawnna:

                                Thakhat in puanpak silk Vantung mi nih hong kilang vat a, ka khut lang

      tuak ah hong dingin "Sunsang aa phazaw gamnuam om aa" cih la asa khawm kimlai pen

      ka bilkha ah hong ging ciaciai kaza hi. Amau a puan uh paak mahmah, kei aa lah ci-in

      maizum in ka om laitak ka ki etleh kei puan zong amau puan mah bangin na paak sinsen,

      etlawm mahmah mawk hi. Tuabang kawmkawm in Nitang sangin a taangpha zaw mun

     khuavak semsem, a nopci  mahmah lam manawh in a hong leentohpih pah vingveng uhi.

     Koi lai mun hiam? Koi ah hong paipih ding na hi uhiam ci-in kadot leh Vantung lutna

      ding kong khak ah a pai ding hi hang, hong ci uhi. Khuavak pen taangpha semsem hi.

      Tecipanna No.2.  Vantung Kongpi  lutna mun Laibupi sungah "Khai Khan Dim":

                                   h

       Tecipanna No.3.  T

                                     h

       Tecipanna No.4.   yT

                                     T

       Tecipanna No.5.  h

                                     Tbrbdh

       Tecipanna No.6.  fh

                                     Tbfngn

       Tecipanna No.7.  B

                                     zbdfndtn

Part Six:

Innvak Thunget in akisapnate

A. Pa Thang Khan Cin Inn ah Ni 3 sung Tecipanna & Pasian Thugenna:  March 12-14    

           CMBC ah tecipanna

          

B. CMBC Pawlpi sung ah Sia Hau Lian Kham in Innvak Thunget a vahpihna:

           March 12, 1973 Monday

C. Sakollam veng sung  ah nasepte:

     1. Lanhaw & Muaici te Unau in Motor tawh la in thunget asapna: March 13, Tues

                        Lanhaw leh Muaici a kici Pasian um, unaute in thupiangte azakciangun amau Inn ah Pasian damsakna leh thawhkik vangliatna thugen dingin sam a, Motor tawh lasak in tecipanna, Pasian thugenna, thungetsakna a manciang, Motor mah tawh Leilum ah khakik uhi.

     2. Lamzang Sian Khua Pau in atapa aciahna ding thungetcial in asapna: March 14

                          'SKP' akici, Lamzang khua pan Sakollam veng aa teeng, Pa Sian Khua Pau in  

a tapa upenpa a khualzin zawh thukizakna omlo, a ciahtheihna ding, thunget lunggulhna tawh

hong sam in thu hong ngensak a, a sawtlo-in hongciah pah in vaihawm thei takpi ung, ci uhi.

Ahizongin Pa Pau in Pasian lunggulh vinvenna tawh hong sam hilo-in, amau vai thupi khat

a deihna bangin a tangtunna ding ngaihsutna bek tawh thunget hongcial ahihna ka phawk a,

Pasian thu taktak ka genpih ciangin, kinlua khollo in hauh ding, nopsak ding bekbek a gen hi.

     3. Gurkha veng ah cinate thungetsak hong kisam, 3vei pai: March 12-14, 1973  Wed

                       Sakollam-Gurkha veng ah cinate thungetsak dingin thumvei vilvel hong sapna

bangun kipai a, lungdam thei mahmah uhi. Gurkha nupite hita leh amau tawh a teengkhawm

veng sung nupite in Pasian a lunggulhna uh vamu, thu va ngetsak in Pasian min ka phat uhi.

D. Leilum veng ah nasepte:

     i.  Sia Cin Pau Inn ah Nitak in Tecipang dingin a kisapna: 1973 March 15 Thursday

                 Leilum Tuiphum Pawlpi sung pan thungetsak deih a omciangin TKTP Pastor pa, Rev. Cin Pau inn ah hong kisam bangin kipai a, Nitak tecipanna leh hunzatna a kimanciangin

Bo Khup Za Neng-te Inn ah kigiak suk hi.

         

     ii. Sia Lian Khup Inn ah Zan ciangin Pasian thugen: March 16, 1973 Friday

         1.  Nu Dim Za Cing thungetsakna:  vxrbxrbsr

         2.  Pu Cin Za Gin te Inn ah thungetsakna : bxtntntn

         3. Pu Hang Za Gin zi thungetsakna: Hjgjgj

         4. Pu Lian Khan Thang thungetsakna:   hsrhdfh

         

         5. Pu Ngul Khua Thang Inn ah Sun 12:00 sialin thunget hunbawlna: bxf cgnf

         6. Pu Tun Za Tuang Inn ah thungetsakna:  bdtbtntn

          7. Pa Langh Suan Pau Nu Thungetsak in kipai: xbdC cgng

          8. Pa Dam Kam zi, Nu Don Ciin thukingetsak:  srbxrb

     iii. Sia Gin Khua Lian Inn ah Zan 2 Pasian Thugenna:  March 17, 1973 Saturday

E. Lailo ah Tecipang dingin a paina:  March 18, 1973 Sunday zingsang hun pen  Lailo

     Tuiphum Pawlpi ah tecipanna ding hun hong kipiakna dung zui-in hun nuamtak zangin

      hun manciang, Pa Ngul Khua Thang in

           ujujju

F.  Pu Ngul Khua Thang in amau Inn ah Zangiak in thungetsak ding a sapna:

                                                                                                           March 19, 1973 Monday

                  Dorcas Dimno, ka Pa Tun Cn Thang, Lia Tual Ngaih Niang, Tg. Gin Khua Lian,

 Sia Lian Khup, Tg. Thang Khan Khai teng tawh Leilum khua sungah Innvak thungetsak in kipai kawikawi a,  nitak khat thunget man ciangin amau vaidangkhat neilai uh-a, CMBC ah paisuak nuam ahihman un,  Lia. Zam Khan Ciin hongzui ciahpih pah kul a, ka ciahpah uhi. Pu Ngul Khua Thang in amau Inn ah zangiakin thungetsak ding deih ahihmanun Tg. Gisia (Tuakhitciang EBC Pawlpi ah Sia Gin Sian Thang) hongkhasak uhi. Zantam in thukingetsak a, cina zong noptuam ahihmanin thungetzom ding deih uhi.

G. Sezang ah Tecipang dingin akisapna: Leilum ah damlote thunget sak in tecipanna leh Pasian thugenna tawh a om laitak, Sezang khua pan Pa Tun Kap Thang in akhua vuah Tecipang dingin hongsam a, Meisopi vak in hunkibawl hi. Sanggamnu Niangno in lasa zel a, amanciangin Tecipanna leh Pasian thugenna ka zom zel hi. Sezang khuasung ah thungetsakin kipai kawikawi a, lawkite Inn ah zong thu kingetsak kim hi. Zan kitam in Pu Dal Thang Inn ah hunbawlkhopna leh  Tecipanna kineithei hi. Thungai hong kikhawmte lak ah a tamzaw pen lawki sung vive mah pan thungai dingin hong pai uh ahi hi.

O. Sezang khua pan Sawbua ciahsukna:

         Sezang pan Sawbua ciahsuk ding akigeellaitak March 20, 1973 Tuesday in Leilum pan Pu Ngul Khua Thang hong sapna dungzui-in Leilum ah ki paikik in 12:00 in Biakpiakna leh thungetsakna kinei a, ak tampi hong gawh uh anneek khitciang Tuiphum Makaite mah tawh Sezang ah kipaikik hi. Damlo deuhte thungetsakin kipai a, Sezang khuabup lawkite a'dingin  zong thukingetsak hi. Tua Zan pen Sezang Pawlpite in Zankim dong hong tutpih ahihmanun dotna leh dawnnate dawngzel in, hunbawlna a kimankhitciang zong Sezang ah Pasian thugenna kizomsuak lai  hi. Tedim ah Tecipanna mahialbawl in Sezang khua pan March 21, 1973 Wednesday zingsang in ki ciahsuk ta hi.

Part Seven:

MUNLAI TUIPHUM PAWLPI AH TECIPANNA

A. Munlai khua Tuiphum Siapa sapna: Tedim ah a lamdang Dorcas Dimno tecipanna thu

     azaktak ciangun Munlai Tuiphum Pawlpi kem Siapa in a Pawlpi mite tawh Munlai pan

     hong dawntuah in Motor hong khawlsak ding, Motorte hong vaikhak in lai hong khak uhi.

     Tedim - Kalaymyo Motor Service haksa mahmah laimawk a, Ticket Booking kholh kul hi.

     Pastor pa lunggulhna om bangin amau Pawlpi ah Tecipanna, Pasian thugenna neihpih ding,

     thungetsakna nei dingin Motor khawlsakin lamkaal hitaleh ka tuak uhi. Tua nitak mah pan

     Biak Inn ah mi dimzihziah pah in hong kikhawm uhi. Biak Inn a golzaw in lam nuam in

     thungetsak ding adeihna uh a om bangin thungetsakna ka nei uhi.

B. Innvak Thungetsakna (Home Visitation): A zingsang ciangin Pawlpi kem Siapa mahmah

     hong makai pah in Munlai Tuiphum Pawlpi sung ah Inn vak thungetsak kipai kawikawi a,

     Kum 5 sung azawngkhaal Papi khat om hi. Amah pen nisialin a innnuai uh ah tuaksuk in

     a vok ek uh thaithai mai ahihmanin lungkham mahmah uhi.

              Thu kingetsak a, adamciangin lungdam mahmahin lungdam kohding geelna nei uhi.

     Kum 6 sung mah azawngkhaal Nupi khat kiang ah thungetsak dingin kipai leuleu a, anih

     un dam uh ahihmanun lungdamlua in lungdamkoh ding vaihawmna zong neikhawm in

     Bawng go in Lungdamkoh Thunget lak ding ageelna uh, Sapna Lai hong khak uhi.

C. Munlai Tuiphum Pawlpi pan sapna paitheihlohna:  Sawbua ah sapna lai hong khak in

      a paithei ding in hong lam en pah uhi. A hun hong nai ciangin khualzinding vai kikum in,

      U Zampu in pailo din hong khaamcip bikbek mawk a, hong paipih ding ageelloh ban ah

      hong paisaklo takpi hi. Munlai Tuiphum Pawlpi tawh lungdamkoh pawi bawlkhawm din

      hong sam Innkuante in hong lam et luat manun akhasiatna uh leh hong ngaihna teng uh

      Lai tampi tak gelh in a  hong khak kik pah uhi.   

             Hih thupiang tawh kisai:   Ka Pa damlaibuang ahihmanin "Pa  aw, hong kisapna ah vapai hoh ni" ka ci a, ahizongin ka Pa na leng in ka U kihta in hong paipih ngamloh ciangin painuam pipi paikhalo in Inn ah ka omcip uhi. Ka U Zampu pen Innpi ngak ding pa hi napi, abeisa ka khualzin sungun Tamu leh Kawlpi kikal Motor tawh khualzin in paipai ahihmanin

ko Gospel vai peuhmah hong thupi ngaihsut sak kha man kei hi. Sapna lai hong tun sial in

ama'n sim masa pahpah a, Eh!  Gam tuatan ah sa kam khat ne dingin vapai ding pen khuaval vai, uisan vai sa ing ci lel mawk hi. Hong sam Munlai Tuiphum Pawlpi in ahihleh hunzang ding leh thunget lungdamkohna hunpi ah Pasian thugen dingin hong ngak gige uh hi takpi a,  kei bek hongsam hilo ka Innkuan un hong sap ahi hi. Tua laitak lamsaap ding ka neih hang un vapai ding hong kiphalhetlohman in a paitheilo ka suak hiau uh a, Pasian Gam a'dingin hong kisawl nasep vasep ding tampi kitaan lawh zel a suak hi.

D. Pasian thugen ding, Tecipang ding kikhaktanna in Pasian thu nuntakpihlohna lim:

                 Mundang, khuadang ah Pasian thugen ding leh Tecipang dingin paikhiatding pen ka U Zam Za Do in hong phallohciang, khuasung ah thungetsak ding hong kisapna ciang bek ka paizel a, khualkaina tawm mahmah suak phot in hong samte  khasia zawtham uhi. A tatak

a sap uh pen Dorcas Dimno hilo in, Dorcas  Dimno a damsakpa ahihlam phawk khalo suak hi.

E. Pasian thugenna, Tecipanna, ministry khat peuh ah Inn sung vaipuak a thupiziate:

                Cina gim a omciang leh beidongin aomsial un thungetsak deihte in hong kisam a, "Khaikhandim aw, Khadim aw, hong ciah meng in" ci'n U Zampu in hongsap zel ciangin anoploh hun tampi mah om veve hi. Ka U pen a piangthak nailo ahihmanin thungetsak in midangte lak ah hong kisap deihlo, dik salolua-in a hua takpi mah ahi hi. Himah leh Lushei Nungak melhoih minthang Engmawii leh avengteng in thunget deih in a hongsam teitei uhi.

F. Sawlpina vs. kikhaktanna:  Vantung pan na zaksa leh na muhsa thu khempeuh gen in cih vaikhakna leh sawlpina ka tungah thu om ahihman-in ka gen/sep ding tavuan thupi pen ahi hi. Ka U Zam Za Do in hong khakciplo-in a hong panpih thei zenzenhileh khualzinna ding hong kisapna tampi omlai a, ahizongin Innkuan sung haksatna hangin Gospel maban zomtheilo-in thu ngenngen in ka om kawmkal ah, hunkhatciangin a hong pianthak takteh ka U, nuntakna lamdang tak kikheel in kha sung nuntakna lunggulh pen in nei-a, tuni dong mah Gupkhiat Lungdamna thugen ding bek tavuan, vaipuak lian pen khat in a neihzom suak lungdamhuai hi.

Sawlpina nasep maban limci hong kipiak laitak khaktanna pen a nai pen pan khauh pai thei hi.

G. Pasian min tawh kalsuan ding peuhmah, Innkuan  sung kipanpihna a thupizia:

            Pasian min tawh kalsuan ding aomciang kikhaakcip ding hoihlo a, Pasian  kiang ah thudonglo-in eimau thu tawh gamtatna in supna lianpi piangsak thei hi, cih hih thupiangte tungtawnin kitheithei hi. Innkuan sungah a piangthaklo thunei a omna peuhah haksatna om hi.

Vantung Gam Thu, Pasian hong Sawlpina Nasep sepna in ei vaipuak leh ih sehtan thupi pen hi.

    

H. Lai Siangtho hong sawl bangin gamtat ngamna in gualzawhna ngahna ding tawhtang:

      Pasian in gupkhiatna hong piak thumanpha leh Jesuh Sisan hangin gupngah kitelcianna

hong piak lam hong kitelsak Kha Siangtho in Pasian deihna tawh kituak in nuntaktheihna di'n Lai Siangtho hong hilh bangin nuntakna thak tawh ih nuntak ding hong deih pen thu ahi hi.

      A beisa hun aa gualzawh ding zahin ka gualzawhlohna pen keima hih ngamlohna hang hi.

Thuhilhsia12:14 in a genmahbangin Mihing hong kipiansakna thubulpi in "Pasian zahtak in ama deihna bangin nuntak ding" bek ahi hi. Ei deihna bangin nuntakna in ci-le-sa vai ahi hi. Lungdamna thu tangkona nasep maban ah hong nawngkaisak in hong khaktan nuam, ze-etna, kiim-le-paam buaina, vai haksa tuamtuam aomciangin khawlselo-in phusuak ngam hilehang, Kha thu tawh kisai ah lawhcinna tampi maban kitaan khalo ding hi, cih kimuthei sinsen hi.

Pasian a'dingin nuntakna in galkapte nasep tawh kibang a, hong kisawlna om bangin gamtat ngamna in gualzawhna ngahna ding tawhtang hoih pen khat ahi hi. Ama' hong sawlna bangin gamta leng, ama'n tavuan hong la takpi ding a, gualzawhna kingah ding hi, cih ka um hi.

Part Eight:

PYIDAWTHA SIVUAI & PU THANGKHAN JUBILEE SIIMNA

A. Khitui lak pan agingkhia Tecipanna Awging

Part Nine:

A LAMDANG THUAM ZA CIN TAWH KIMUHNA

A. Khitui lak pan agingkhia Tecipanna Awging

Part Ten:

A LAMDANG THUSUAK

A. Khitui lak pan agingkhia Tecipanna Awging

Part Eleven:

A LAMDANG TECIPANNA

A. Khitui lak pan agingkhia Tecipanna Awging

Part Twelve:

A LAMDANG TECIPANNA

A. Khitui lak pan agingkhia Tecipanna Awging

Part Thirtheen:

A LAMDANG TECIPANNA

A. Khitui lak pan agingkhia Tecipanna Awging

Part Fourteen:

A LAMDANG TECIPANNA

A. Khitui lak pan agingkhia Tecipanna Awging

Part Fifteen:

A LAMDANG TECIPANNA

A. Khitui lak pan agingkhia Tecipanna Awging

Part Sixteen:

A LAMDANG TECIPANNA

A. Khitui lak pan agingkhia Tecipanna Awging

Part Seventeen:

A LAMDANG TECIPANNA

A. Khitui lak pan agingkhia Tecipanna Awging

Part Twenty:

ZATO LUPNA, KIKHOINA & TECIPANNA

A. Tedim Zatopi ah Zato lupna

B. Kikep kikhoinate

C. Zato tuak, Inn pan kibawl

D. Hornbill Nursing Zato paina

E. Sgt. Thang Do Mang in hong vehna

F. Upa Go Lian Pau hong deihsak dan leh hong vehna

G. Nu Lian & Nu Vung in Thusuak tawh 3 vei ding hong vehna  22nd June, 2014 Sunday

H. Bethany AG Pastor Khuppi & MM pan thu hong kingetsakna 22nd June, 2014 Sunday

  I. Aktui, Aktak, Bawngsa, Keelsa, Ngasa, Gannawi, Cikhum, Bawngnawi, ... Moh,

  J. Zatui-Zaha, Sum-le-paai, Va-le-na a tuamtuam,

 K. Khual-le-tual pan hong veh, thu hong ngetsakte leh Siavuan, Siamate tungah,

 L. Leilum Youth Association (LLYA) vaihawmsiamna tawh Zoto hongpuak 16 $ept, 2014

Part Twenty Six:

A LAMDANG TECIPANNA

A. Khitui lak pan agingkhia Tecipanna Awging