PI DAM KHUA CIANG TANGTHU

Pianna:  Lailo Khua      190?

Pa Min:  Suan Vungh,  Gualnam

Nu Min: Goih Zam,      Gualnam

A Sanggamte:

1. Niang Za Niing + Neng Kap, Zuisang           Aipha

2. Dam Khua Ciang +  Tun Cin Thang        Sawbua

3. Niang Vei Cing + Neng Za Lian, ?   Aipha

4. Niang Dim + On Za Nang, Hatzaw  Lailo

 

   # Sanggam pasal neilo uh ahihman a gamh uh            a Pano tapa uh, Pu Kai On luahsak uhi.

A Nungaklai Thu:

  Tedim ah Singzuak in alawm nungakte tawh patio uh a, khatvei Sangmangpa Nelson tawh kituak in limtak en a, A Singpuak kawm un, Buukteep kawm uh, Niiksiing teng lenlan, a khut un khau kheek kawm in,   a zun uh asuahteh tawmcik awn in thaziau thei uh a, lamdang sa mahmah hi. Na awnna mahmah uh omlo ci-in nui haha in Marnzaih kici hi.

Pasalneihna:

  A nungak tung pan a teeknu in adeih ahihman in khat vei anungzang ah pua in a om ding in vapi vingveng ngei cih kiciamteh hi.  Mo ding in aciaptehna pen aneulai pek pan hi-a, agolciangin a tapa Tun Cin Thang tawh kiteengsak pah uhi.

Suan-le-khak:

1. Vung Khenh Cing

2. Cin Vungh (s)

3. Cin Suan  (x)

4. Vungh Khan Thang

5. Khai Thawng

6. Zam Za Do

7. Lian Ngaih Cing

8. Awi Za Niing (s)

9. Khai Khan Dim

10. Dim Ngaih Langh

  # Avek in Lailo khua vive pan suak uhi.

Tapidawsuahna:

  Damtheilo in a cina zel a, Tedim pan Nelson Topa hong sawl, Rev. Cin Khua Gin leh apawlte Gospel hong pai zelzel in Thu ngetsak tawntung uhi. Hun khatciang in kitelcianna khat ngah a, Tui akiphum khit phet in Dam siang pah vilvel mawk hi. Tua hun pan kipan in amau Innkuan pen Tapidaw suak in kipsuak uhi.

  Amau ma in damlote thu kingetsa adamciangun Tapidaw suak ngeite 2vei bang tawp kik zel uh a,

Asihciang un kideidanna lian mahmah ahihman in atawpkik zelzel uh ahihi. Ahizong in amau Innkuan pen tawpkik nuam nawnlo in Upna kip neisuak uhi.

 Sawbua tunna:

        Buh Lokhawh ding ngaihsutna tawh a Innkuan un 1968 Februry 28 in Sawbuayishin khua tung uhi.

Lailo ah Tapidaw suak masa Innkuan akicihna:

              Hih thu pen Rev. Dr. Go Za Kham genna ah Sangmangpa Nelson sawlna bang in asangkahlai un Lailo ah Nipi sial in kipaisak tawntung a, Pawlpi suak masa pen:

1. Tun Cin Thang

2. Dam Khua Ciang

3. Vung Khenh Cing

4. Cin Suan

5. Vungh Khan Thang

6. Khai Thawng

7. Zam Za Do ci-in genkhia ngei hi.

 Azom ah:

1. Gin Do Lian

2. Lam Do Khai

3. Cin Hau cih bang in amin in lo setset thei lai hi.

Damlohna: Zang gam atunsuk ciang un, khua hun kikep siamlohna hang in damlohna tampi thuakzel hi.

Akisap bangbang asik Pasian:

  Hong nusiat madeuh in akisap bangbang, alunggulhnate agenciang in ngah theihna ding lampi lamdang tak in om pahpah hi. Khat vei bang Khuaizu duh ing ci-a, vazon sak un acih, zonsak in muhsak pahpah uhi. Tuabangin Gam sameh duh ing ci leh ngah na ding hong ompahpah in lamdang mahmah hi.

A lamdang genkholhtheihna:

  May Ni 9 ni, Zingsang Anneek khit pawl in “Tu ni, Nitak Sangtuah Hun pawl in hong kidawn ta ding hi-in lung himawh kei un maw, Kua mah vaikuan om kei un la, ka sihkhit zong kap se kei vou, cih bangin vaikhak in, thutuamtuam tampi genlai kici hi.

  Sunsang kituak a, nuamtak in Sunsiah nek kawm in paupau lai hinapi, ama cih hun lian, Nitak Sangtuah laitak Nai 3:00PM lian mah in:

“Hongh kidawn ta! acihphet in: Ka lai! Sia Thang Gin, Sia Vial Nang te no na om maw, ci-in a khut khak aa, asawtlo in laitat takpi in sisuak mawk hi, ci-in natkhoi pawl in genbel in nei uhi.  AD.1971 May 10 in Sawbuayishin pan hong nusia a, Tuiphum Pawlpi in limtak hong vuisak uhi.

Sih Khamuanna: Pi Dam Khua Ciang in adamlai in Biakna ahahkat mahmah khat hi-a, asihcianginzong Sia Thang Gin leh Sia Vial Nang in na dawn cih pen ama’ adingin Khamuanna kician mahmah khat om cih na hi.